Graddau prifysgol

Ar hyn o bryd mae 19 prifysgol yn cynnig cyrsiau lleferydd ac iaith gydag achrediad ar draws y Deyrnas Unedig, felly gallwch ddewis lle i astudio sy’n gweddu i chi.

Defnyddiwch ein map rhyngweithiol i ganfod prifysgolion sy’n cynnig cyrsiau israddedig, ôl-raddedig a chyrsiau meistr gydag achrediad.

Cafodd y rhaglenni hyn eu cymeradwyo gan y Cyngor Proffesiynau Iechyd a Gofal a’u hachredu gan y RCSLT.

Cliciwch ar bin lleoliad y brifysgol a manylion y brifysgol. Bydd eu rhaglenni wedyn yn ymddangos mewn blwch neidio-allan.

Gallwch hidlo yn ôl dull cyflenwi. Er enghraifft, astudiaeth ran-amser neu lawn-amser, neu lefel israddedig neu ôl-raddedig.

Gallwch hefyd weld rhestr o gyrsiau sy’n cynnig rhaglenni gydag achrediad  neu lawrlwytho’r rhestr fel PDF.

Bwrsariaeth GIG Cymru

Caiff Cynllun Bwrsariaeth GIG ei ddarparu gan y Gwasanaeth Dyfarniadau Myfyrwyr. Mae’r fwrsariaeth yn cynnwys:

1. Ffioedd hyfforddiant eich Cwrs Addysg Iechyd
2. Grant o £1,000 heb brawf modd
3. Bwrsariaeth â phrawf modd
4. Os yn gymwys, cymorth ar gyfer costau tebyg i deithio, llety (tra ar leoliad), Gofal Plant, Lwfans Myfyriwr Anabl, Lwfans Dibynyddion a Lwfans Dysgu Rhieni.
5. Os yn gymwys, bydd gennych fynediad (ar wahân) i fenthyciad cynhaliaeth myfyriwr is;

Os dewiswch gael mynediad i gyllid drwy’r Cynllun Bwrsariaeth, mae’n ofynnol i chi ymrwymo i weithio o fewn Cymru am:

• Cyfnod o ddwy flynedd ar ôl eich cwrs.

Pethau i’w nodi:

• Os cewch fwrsariaeth GIG Cymru, gallwch hawlio cyfradd is benthyciad cynhaliaeth (heb brawf modd) gan Cyllid Myfyrwyr Cymru ynghyd â’r pecyn bwrsariaeth llawn. Ni fyddwch yn medru hawlio benthyciad llawn a bwrsariaeth llawn y GIG.
• Os ydych eisoes wedi cymryd benthyciad cynhaliaeth myfyriwr gyda Cyllid Myfyrwyr Cymru am radd flaenorol, ni fyddwch yn gymwys i hawlio am y benthyciad cynhaliaeth is. Fodd bynnag, rydych yn dal yn gymwys am holl rannau eraill i fwrsariaeth.

Opsiynau eraill

Os nad ydych yn dymuno ymrwymo i weithio o fewn Cymru ar ôl gorffen eich cwrs, gallwch eithrio allan o Gynllun Bwrsariaeth GIG Cymru.

• Os ydych yn fyfyriwr sydd yn byw yng Nghymru ac yn eithrio allan, bydd gennych fynediad i’r pecyn cymorth myfyriwr safonol sydd ar gael gan Cyllid Myfyrwyr Cymru. Byddai hyn yn cynnwys benthyciad ffioedd a benthyciad cynhaliaeth.
• Os ydych yn fyfyriwr heb fod yn byw yng Nghymru a’ch bod yn eithrio allan, byddwch yn parhau i fod yn gymwys i fyfyrio yng Nghymru ond bydd yn dal i chi fod angen i chi sicrhau cyllid ar gyfer ffioedd a chynhaliaeth o ffynhonell arall. Gall hyn gynnwys cyllid gan y corff cyllido perthnasol yn eich mamwlad neu gyllido eich hunan.

Ewch i dudalennau cyllid myfyrwyr GOV.UK i gael gwybodaeth sylfaenol am gyllid myfyrwyr yn Lloegr.

Mae’r canllawiau yn The Funding Clinic  yn cynnwys gwybodaeth fwy manwl am y benthyciadau myfyrwyr yn Lloegr, yn cynnwys y trefniadau arbennig ar gyfer benthyciadau i fyfyrwyr ôl-raddedig ar gyrsiau gofal iechyd.

Gall myfyrwyr a gymerodd benthyciad myfyriwr gael mynediad i fenthyciad arall i astudio’r cyrsiau hyn. Nid benthyciad arferol myfyrwyr ôl raddedig yw hyn ond y benthyciad sydd ar gael i fyfyrwyr israddedig i dalu am ffioedd dysgu a chefnogi costau byw.

Ym mis Rhagfyr 2019 cyhoeddodd y Llywodraeth, yn ychwanegol at gefnogaeth bresennol i fyfyrwyr, o fis Medi 2020 bydd myfyrwyr sy’n astudio nyrsio, bydwreigiaeth a phynciau perthynol ag iechyd yn derbyn grant heb fod yn ad-daladwy a heb brawf modd o £5,000 y flwyddyn o leiaf.

Rydym wedi cadarnhau y bydd y cyllid hwn ar gael i fyfyrwyr therapi lleferydd ac iaith. Cynigir cyllid i fyfyrwyr presennol yn ogystal â myfyrwyr sy’n dechau ar y cwrs.

Bydd cyllid ychwanegol ar gael i ddenu myfyrwyr i’r pynciau blaenoriaeth uchaf yn seiliedig ar asesiad y Llywodraeth o fregusrwydd a blaenoriaethau gweithlu.

Hefyd bydd cyllid ychwanegol ar gael ar gyfer gofal plant ac i gefnogi bregusrwydd rhanbarthol. Gallai cyfanswm cyllid ychwanegol fod yn gymaint â £3,000 y flwyddyn ar gyfer rhai myfyrwyr.

Canllawiau defnyddiol

• Cronfa Cymorth Dysgu GIG
• MoneySavingExpert: Chwalu chwedlau benthyciadau myfyrwyr

Yn yr Alban caiff myfyrwyr eu cefnogi dan y system cyllid cyffredinol a gallant wneud cais am fwrsariaethau a benthyciadau yn dibynnu ar statws ac incwm.

Mae lwfansau ychwanegol ar gael yn dibynnu ar amgylchiadau tebyg i:

• grantiau dibynyddion ar gyfer gofalwyr
• grant rhieni unigol
• lwfans myfyrwyr anabl

Gallwch hefyd hawlio costau teithio a llety ar gyfer lleoliadau.

Ewch i wefan Asiantaeth Dyfarniadau Myfyrwyr yr Alban (SAAS)  neu ffonio 0300 555 0505 i gael mwy o wybodaeth.

Canllawiau defnyddiol

• Canllaw cyllido SAAS (PDF)
• The Funding Clinic: Astudio yn yr Alban

Ar gyfer myfyrwyr sydd wedi byw yng Ngogledd Iwerddon am y tair blynedd ddiwethaf, bydd yr Adran Iechyd yng Ngogledd Iwerddon yn talu ffioedd dysgu yn uniongyrchol i’r brifysgol. Gall myfyrwyr wneud cais am fwrsariaeth seiliedig ar incwm i helpu gyda chostau byw a gallant hefyd fod yn gymwys i wneud cais am fenthyciad ar gyfradd ostyngedig heb fod yn seiliedig ar incwm.

Gall myfyrwyr o wledydd yr Undeb Ewropeaidd sydd fel arfer yn byw ac yn astudio yng Ngogledd Iwerddon hefyd fod yn gymwys am gymorth ariannol. Bydd swm y fwrsariaeth sydd ar gael i fyfyrwyr yn dibynnu ar incwm unigolyn a theulu.

I gael mwy o wybodaeth cysylltwch â NI Direct ar 028 902 577 77 neu ymweld â:

• Gwasanaethau Llywodraeth NI Direct: Cyrsiau proffesiynol iechyd

The Funding Clinic: Astudio yng Ngogledd Iwerddon